20130727 太陽報-楊愛瑾支持回收卸妝油樽

楊愛瑾響應回收幾乎是女性必備的卸妝油空瓶，支持環保。

 

楊愛瑾支持回收卸妝油樽

【太陽報專訊】藝人楊愛瑾（Miki）原來是 一名環保之星，並經常身體力行實踐環保，日前她出席化妝品牌舉辦的回收卸妝油空瓶活動，為表支持，她將家中十多個卸妝油空瓶帶來回收，不少Miki的粉絲 亦有響應偶像行動到場支持。提到以行動實踐環保，Miki每次外出都習慣帶私伙環保杯，她說：「地球污染已經好嚴重，每次外出買少幾支膠樽裝飲品，已經減 少咗好多不必要嘅污染啦！」

20130726 太陽報 楊愛瑾爆姊妹情史自保

出道十年，Miki終推出寫真讓粉絲加深對她的了解。

歌手楊愛瑾日前獲邀錄影《娛樂onShow》，她口裏說不愛爆好友秘密，但問到感情問題時，她即選擇回答好姊妹鄧麗欣及吳雨霏的問題以作擋駕，主持俞詠文即笑她出賣朋友！

歌手楊愛瑾（Miki）日前接受主持俞詠文（Angela）邀請錄影《娛樂onShow》，她除了分享拍攝寫真的趣事外，更大爆舊隊友鄧麗欣（Stephy）及吳雨霏（Kary）的秘密！11年前，Miki以女子組合Cookies身份出道，與Stephy及Kary等建立深厚友誼，雖然Cookies現已拆夥，但她們仍是好姊妹，難怪外界問到舊戰友拍拖或分手的消息時，她都成為被八卦的對象！

Miki表示不介意回答關於她們的尖銳問題，但頗為避忌的說：「其實都幾難答，雖然有時啲嘢我係知，但又唔想同其他人講，我冇可能無端端去爆人哋啲秘密！」精明的Angela即順勢問她：「咁你寧願答關於人哋分手嘅問題，定係關於自己嘅感情問題？」Miki想也不想，即說：「我答人哋嗰啲問題！」令Angela不禁大笑起來，直指Miki喜歡出賣別人！

出寫真加深了解

Miki近年的工作機會愈來愈多，除歌、影、視三線發展外，今年更推出個人寫真，大晒性感比堅尼Look！問到為何豁出去？她笑說：「上年係我入行第十年，都想出番本書講吓呢十年嘅事，又可以畀大家了解多啲Miki係一個點嘅人！」想知道更多關於Miki的寫真？她如何爆好姊妹的秘密？記緊要密切留意《娛樂onShow》喇！

楊愛瑾爆姊妹情史自保

20130726 東方日報 楊愛瑾爆Stephy秘密

歌手楊愛瑾（Miki）日前來到《娛樂onShow》，即被主持人俞詠文連番考起，而Miki為保自己的感情事，竟選擇回答關於好姊妹鄧麗欣（Stephy）和吳雨霏（Kary）的問題作擋駕！Miki「出賣朋友」，不過亦處處維護姊妹，除大讚Stephy獨立外，更力撐剛失戀的Kary！

楊愛瑾（Miki）日前來到《娛樂onShow》，與主持人俞詠文(Angela)暢談新寫真之餘，又大爆好姊妹鄧麗欣（Stephy）和吳雨霏（Kary）的秘密！

2002年，Miki以女子組合身份Cookies出道，與女生們大晒青春活力！11年後，Miki已單飛發展，同時亦由陽光女孩轉化成熟女性，今年她更搏到盡，推出個人寫真集，書中更不乏比堅尼Look，認真豁出去！而當Angela問她為何決定出寫真時，Miki即說：「去年係我入行第十年，所以都想出番本書講下呢十年嘅高低起跌，同時又可以畀大家了解多啲Miki！」

http://orientaldaily.on.cc/cnt/entertainment/20130726/00282_079.html

20130725 頭條日報 楊愛瑾新書補送給舊愛

楊愛瑾新書補送給舊愛2013年7月25日

　　近日推出首本文字相集的楊愛瑾（Miki）（圖），昨日到商台宣傳，她表示會把自己的酬金捐給慈善機構，但至今仍未知相集的實際銷量。　　Miki謂有送書給一班好友，但在記者提醒下才發覺忘了送給前緋聞男友徐天佑，她即說會補送給對方。
　　Miki日前與前Cookies戰友傅穎（Theresa）在書展碰面，對Theresa被指眼睛變大、鼻子變高及下巴變尖，Miki則認為有可能是化妝關係，而且Theresa的妝很有韓國味，但她不覺對方有後天加工。

20130723 東週刊 <二八好年華>

20130725 楊愛瑾 幫愛犬出書鬥「忌廉哥」

楊愛瑾 幫愛犬出書鬥「忌廉哥」

楊愛瑾（Miki）昨日到電台宣傳寫真集，她表示雖然書展已結束，但仍十分緊張銷量，對於明星貓王「忌廉哥」的銷量成功撼低一眾女星寫真，Miki笑言已為愛犬鋪路出書：「動物好難鬥，下年想幫隻狗出番本，我成日都幫狗仔扮靚。（抵輸畀忌廉哥？）唔可以話輸唔輸，我當贏咗自己。」

提到早前在書展碰面的傅穎被指再整容？Miki說：「我都覺得佢靚咗，但應該冇咩『大郁動』，就算佢畀我摸，我都唔識分呢啲嘢。」她自爆不滿意自己膚色黑，問是否男友投訴？她說：「唔係，我依家黑到自己都頂唔順，我驚痛唔會打美容針，不過想試吓食美白丸。」

20130722 Miki爆男友低調掃貨

Miki爆男友低調掃貨

藝人楊愛瑾（Miki）昨日於書展舉行寫真簽名會，身穿黑色透視短裙的她自爆男友郭永淳低調掃寫真：「唔好問幾多，總之超過一本。（唔嚟撐場？）一來唔想咁張揚，二來感情想低調，有心就得。」她表示寫真銷量不錯，書局更要加單，令她十分高興。現身撐場的魔術師甄澤權（Louis）即席跟Miki交換作品，人氣爆燈的Louis表示最近獲電影公司邀試鏡，據知無綫亦有意簽他加盟，他說：「電影公司話睇過香港嘅魔術電影，覺得由演員去演唔夠傳神，想搵真嘅魔術師拍，所以搵咗我試鏡。」

20130722 Miki勝在男友撐 傅穎底睇

Miki勝在男友撐 傅穎底睇

兩位「餅女」傅穎（Theresa）與楊愛瑾（Miki）書展正面對撼，兩人送抱之餘又互換作品。論性感，有愛情滋潤的Miki自爆獲男友掃寫真，更以黑色透視裙小勝一仗。Theresa則自揭打美容針急救靚樣，最後更來一招春光乍洩成功「底」抗Miki。

前組合Cookies成員Theresa多年來一直有傳與「死敵」鄧麗欣（Stephy）不和，昨日為個人畫集出席書展簽名會時，與「Stephy黨」的Miki碰個正着。雖然Theresa已有七年出書經驗，但與首度出寫真的Miki相較之下，兩人的粉絲人數不相伯仲，大會一百五十個籌全數派完，第一局比粉絲打成平手。

先禮而後兵

「餅女」重逢當然先禮後兵，兩人除了一抱泯恩仇外，更互相交換個人作品示好，不過論性感程度，Miki以一身黑色透視短裙，略勝鬆身「紅白馬賽克」的Theresa。Miki更一副甜絲絲樣自爆男友郭永淳低調掃寫真：「唔好問幾多啦，總之佢買咗超過一本以上。（男友唔撐場？）唔想咁張揚，感情要低調，有心就得。」出動到晒恩愛，單身Theresa第二局宣告慘敗。

20130719 【壹週刊】豪語錄輕視愛情楊愛瑾

20130719 東方日報 楊愛瑾論盡收銀員

楊愛瑾（Miki）昨日到書展了解其圖文集的銷情，並化身收銀員為fans收錢和簽名，烏龍的她簽名過後忘記收錢。書中提及曾被花心男欺騙感情，她表示大家不用猜測是誰，只希望將過往的經歷同粉絲分享。

另外，昨午她與鄭俊弘、蕭美卡和許珮榆出席《PS3 KILLER IS DEAD》活動時，問到男友會否買下其餘四千本，她說：「買咁多貼牆紙咩。」對於書中提到被女性好友出賣，她指對方不是Cookies成員。另外，貓隻 「忌廉哥」的新書銷情不錯，出版商負責人文小姐表示昨日約賣了千五本，現決定加印五千本。

20130719 太陽報 烏龍楊愛瑾 「免費」寫真益粉絲

【太陽報專訊】楊愛瑾（Miki）昨日現身書展巡舖，並化身收銀員收錢以答謝粉絲支持，可惜Miki雞手鴨腳，未待簽名已將新書入袋，簽名後又忘記收錢，非常烏龍！

推出圖文寫真集的Miki，昨日現身書展視察銷售情況，期間有粉絲把她認出並立即購買，Miki即親自收錢及為他們簽名，以答謝對方的支持！但有點緊張的Miki手忙腳亂，未簽名便將新書入袋，又忘記收錢，需要工作人員提點！


Miki的圖文集以夏天、陽光與海為主題，故到泰國取景配以泳裝示人，她說：「相信平面上今次係最性感一次，其實最難忘反而係潛水嗰輯圖片，因為本 身唔識游水，真係要搵命博！」對於書中提及曾被花心男欺騙感情，她表示目的不是揭露對方身份，更着大家不用猜測，只希望將過往的經歷透過文字跟粉絲分享。 提到新書被拿來與鍾嘉欣的寫真集比較，她說：「都有睇過佢啲圖片，大家同行都會互相支持！」
男友買嚟都冇用

此外，Miki昨午出席於旺角舉行的《PS3 KILLER IS DEAD》宣傳活動，她透露新書印了五千本但前日已賣了一千本，故感到高興。問到男友會否買餘下的四千本，她說：「咪要好多錢？唔會啦！買咁多貼牆紙咩？ 都冇用。（留錢結婚？）短期內未有呢個打算，結婚一定公開。」

20130717 東方日報 楊愛瑾加料10個驚喜

 首次於書展出書的楊愛瑾（Miki），昨日在書展開幕前夕，踩入場內巡視及監督寫真擺放的進度，更特地準備10張在泰國拍寫真時影的即影即有照片，隨機攝入寫真內，其後又在場內行逛，有不少現場工作人員認出她並合照。

Miki直言第一次出書感到非常開心，問到會否在書展期間入場？她說：「如果有時間都想入去視察銷情，不過都想自己行吓買吓書，但會低調，費事張揚。」至於會否買鍾嘉欣的寫真？她說：「本身大家識，都想睇吓，如果有機會見面，會送自己嗰本畀佢。」

20130716 ON.CC 楊愛瑾望與鍾嘉欣交換寫真

 【on.cc 東方互動 專訊】 書展明天開鑼，有份於書展推出寫真的楊愛瑾（Miki）於下午現身攤位，親自為自己的寫真排位，並又拿出10張在泰國拍寫真時拍下的寶麗來相片擺入寫真， 報答粉絲支持。其後她還在會場行逛，被工作人員索合照。Miki表示心情緊張，又計劃再入書展視察銷情，而最想做的是與寫真戰對手鍾嘉欣交換寫真欣賞。

20130714 太陽報 嫁期冇共識 楊愛瑾唔想逼婚

楊愛瑾昨日首次行婚紗騷，她表示工作關係已多次穿婚紗，問到男友有否求婚？她直認未有共識，要過多數年才考慮，認為男士應主動求婚，不應令人錯覺女方逼 婚。而轉行性感拍寫真的她，笑指男友冇詐型，還讚影得靚。同場的前歌手黃伊汶，近年從商發展，昨日為有份投資的婚紗公司行騷，又表示投資了六位數，問到突 然投資婚紗公司是否好事近？她笑說：「唔關事，隨緣啦！」

20130714 東方ON.CC

同樣擔任模特兒的楊愛瑾（Miki）表示首次行婚紗騷：「之前着過好多次婚紗，好鍾意白色同喱士，所以每次着都影好多相。（男友有冇求婚？）唔好呀！太早 嘅事，過多幾年先。（大家有冇共識？）冇，我認為男仔應該主動（求婚），女人講好似逼婚咁！」轉型行性感拍寫真的Miki，表示男友冇詐型，反而大讚影得 靚。

20130714 文匯報 楊愛瑾不刻意催婚

香港文匯報訊　黃伊汶早前和家人合資婚紗公司Leeah Gwen，並於昨日親身示範公司最新婚紗。楊愛瑾（Miki）都有現身行騷，首次行婚紗騷的Miki沒有衝動結婚，並指男友都沒有求婚，她說：「太早了， 暫時不想，只想專心工作，我們都沒有刻意傾結婚的事，因為我鍾意男仔主動，怕一開聲會令人覺得被逼婚。」問她不怕因為不提令男友將結婚拖得就拖？她笑言不 怕，覺得過多幾年都無動靜的話，記者朋友都會幫手問，所以她一點都不擔心。

　提到她的性感寫真，她指男友沒有詐型，因為他事前已經知道，反而男性朋友覺得驚嚇多過驚艷，她說：「我平時好男仔頭，他們見到我的相都問我發生咩事，是不是不開心。（男朋友會買幾多本支持？）他好神秘，應該都是一本以上，第一版的數量不多，他也不用買得太多。」

20130710 蘋果日報

楊愛瑾（Miki）今年書展也加入才女行列，推出處女作《Mikitopia》，為省靚招牌，Miki到泰國拍照，其中有一輯用鮮花遮着身體重要部位的造 型，踩盡Miki的底線。對於這個「發花癲」look，Miki昨在電話中說：「我好鍾意呀，但影嘅時候好辛苦吓，因為我要瞓喺酒店一個草地上面進行拍 攝，烈日當空，曬到好緊要，眼都擘唔大，草地又有嘢咬，搞到我周身痕。」Miki表示不敢望草地的小昆蟲，因為看後就會大驚，她盡量配合攝影師指示，務求 拍完收工。
採訪：比華利

20130706 東方日報

28歲的Miki自當年Cookies拆夥後，相隔約10年再以比堅尼亮相人前，其新經理人公司花費6位數，為她推出散文寫真集《綿羊》，較一 眾o靚模的 刻意賣肉裸露，Miki終極一擊明顯來得高檔，穿上三點式泳衣的她更相當吸睛，不過Miki一向身材均勻，今次上圍竟由A cup變C cup，令人嘖嘖稱奇，Miki卻叫大家不要胡亂推測：「身材真係冇咩點變，以前細路女，依家再着（比堅尼）感覺唔同咗啫。」向來「瘦底」的Miki為以 最佳狀態示人，拍攝當天只以一杯奶充飢，結果搞到見暈及嘔吐，工作人員曾勸喻休息，但她卻「話極唔聽」，踩足20小時完成所有拍攝工作，事後她坦言：「呢 鋪一定唔衰得！」

冇使過男友錢

簽約新公司後，Miki決心收復失地，直言 早幾年投閒置散，浪費了不少機會，加上出道初期機會來得太易，

自己卻不懂珍惜，而她 與男友郭永淳的戀情，確實影響了她的形象。今次Miki終於開腔為自己澄清：「好多報道都寫到我好似闊太，查實喺當時都有擔心，最大問題係住屋，因為屋企 人住得遠，我一定要搬開，但買（樓）又買唔起，交租又貴，好彩平日我好慳，用嘅一分一毫都係自己嘅。（男友冇幫過手？）梗係冇啦，我哋財政獨立，總之我鍾 意做（娛樂圈），短期內都冇諗過要結婚。」

把握孭飛機會

至於今次的「終極性感」，Miki表示不需要向男友交代﹕「佢 知我去泰國影相、知我會着泳衣，亦明白係做呢行嘅需要……講真着 三點式都唔係咩特別，最特別咪係第一次喺現場有咁多人睇住。」談到外傳她即將當三級片女主角，Miki不怒反笑說：「公司好好，肯開套戲畀我擔正，三級只 不過係講緊驚慄懸疑。其實套戲8月先開，總之我會把握機會，花多啲時間去同導演商討，盡量鑽研角色需要。」不過，原來Miki一向不諳水性，今次為拍寫 真，要克服心理障礙潛入水底，認真大犧牲。
文：影視組

20130702 星島日報

楊愛瑾拒絕走性感 (娛樂)
2013-07-02 (21:49) 
 
楊愛瑾穿露腰裙亮相護膚品牌活動，她透露稍後推出的寫真集除了有性感相，提到有報道指她由A Cup變C Cup，她則謂拍攝時很自然，自己只想靚不想走性感，而對於指她尺度大膽，她說大膽程度只是暴力。

20130702 Face Magazine

Miki話而家只會做好本分，散文集嘅校對、造型同排版好多方面都自己落手落腳去做，務求零失誤。
真面目
冇底線　未上岸豁出去　 iPad Miki出寫真拍三級片
05年，餅碎 Miki楊愛瑾單飛之後，開始主攻電影，本來發展唔錯，可惜被傳介入永安百貨太子爺郭永淳的婚姻，形象插水。
最 近 Miki終肯公開郭永淳的男友關係，亦解釋當年跟對方拍拖時，男方已是單身，還她清白；經過多年洗底，今年 Miki誓力挽聲勢，先在書展推出寫真集，又一口氣為無綫連拍兩劇， 8月更會擔正一套懸疑電影。難得有機會翻身， Miki揚言不設底線，新片極有可能例為三級， 28歲 Miki今鋪真係搏到盡！
04 年 Miki首次擔正獨立電影《 B420》做女一， 05年再擔正《龍咁威 2之皇母娘娘呢》，票房大破 1,500萬，令 Miki榮登千萬票房女主角，係威係勢。可惜負面新聞累事，去年約滿 StarzPeople，簽約新公司悅目藝人（ M&M）之後， Miki決心再出擊。

寫真在泰國象島拍攝，由於還未完全開發，景點靚又夠自然，加上 Miki性感三點式上陣，簡直襯到絕！
相隔 10年再戰水着
今年 Miki入行第 11年，她希望推出一本散文寫真集，交代入行以來的經歷和心態轉變。 28歲的 Miki，罕有以三點式示人，對上一次，已經是 10年前 Cookies的年代。
由 A Cup變 C Cup的 Miki，身材更有睇頭，「其實公司冇迫我，出書都預咗嘅，三點式差唔多啦。」睇過 Miki的三點式，第一個反應真係嘩一聲，身材勁咗喎！「身材冇咩點變，可能嗰陣時仲係細路女，𠵱家着嘅感覺唔同咗，但呢件比堅尼真係好少布，又有窿 窿，真係要做足安全措施，喺香港我一定唔會着。」

Miki笑言人大咗反而會驚尷尬，衫少布啲，都會怕醜。
寫 真特別在泰國的象島和曼谷取景拍攝，一個星期拍足 7日，為 keep住身形，面對泰國美食， Miki都要忍口，「今次係泰國旅遊局同香港航空贊助，全程都有導遊傍住，但就有得睇冇得食。最慘係有一日去火車站影相，我着住露臍裝坐咗喺張凳度，初頭 冇為意，直至 cut機先發覺有隻大曱甴爬咗上腰，當時好想喊，因為自己最驚曱甴㗎！」出發前， Miki做足功課，仲帶咗 7條打底褲同 T-back。
性感照男友過目
上月， Miki終於公開承認與永安太子爺郭永淳的戀情，收埋 4年多， Miki坦言鬆了一口氣，她說︰「最開心是傳媒朋友的信任，有時解釋得多未必是好事，公司亦好支持我，但未來真係想大家專注喺我事業上。」
問到 Miki有否將寫真給男友過目，她說︰「都有畀佢睇，問吓意見，但工作上我們好獨立，佢亦好明白我工作需要。」 Miki的寫真會附送一張 single碟，新歌〈綿羊〉是她憑歌寄意，歌詞中嘅一句「圍觀過的正義的怎麼愛仍說不對」更是 Miki的心底話。