20131008 東周刊 插班生 楊愛瑾

自04年的電視劇《爭分奪秒》後，楊愛瑾再次替無綫拍攝的劇集，竟是一晃九年後的《神鎗狙擊》。昔日Cookies的o靚妹仔，現在已是二八年華，大個女了的Miki，除坦言承認跟已離婚的永安太子爺郭永淳相戀四年外，事業上亦轉投新經理人公司「悅目映畫」。新公司，新作風，隨即拍了兩套電視劇《神鎗狙擊》和《貓屎媽媽》。

由歌手跳入電視圈，Miki自覺感到緊張，「最初都驚同周海媚（海味）合作，佢係前輩，之前好少同佢接觸。但劇中做佢細妹，自自然然多交流，佢好好人，教我拍劇點走位，因為三機拍攝，對眼角度點放都要識。拍攝時，海味和張兆輝都有萬歲請食飯，佢哋話係前輩應該做，未輪到我喎。」

拍劇工作流水作業，外景接廠景，時間日夜緊接，她自言不怕辛苦，反覺好玩。「試過04開工，30（即翌日早上六時）先收工。等嘅時候會眼瞓，但一埋位就醒晒，拍電視係team work。TVB好似間學校，我好似個插班生咁，拍完一個劇組，就到另一個，依家幾好，試多咗嘢，試吓有幾辛苦，咁咪會珍惜有得瞓嘅時候。」得過失過，自會明暸機會得來不易。