20131206_楊愛瑾 DIY玩味聖誕

聖誕節很多名星藝人都會打扮得花枝招展去參加各式各樣的派對，不過楊愛瑾(Miki)則喜歡相約好朋友齊齊在家大玩主題派對，而且每年都有不同的主題，並設有最佳衣著獎，非常認真。有見及此，BE特別邀請她來為大家演繹電影《黑天鵝》中的造型，讓大家參考一下。被問到為何會喜歡和朋友搞主題派對時，Miki表示因為較一般的聖誕派對更好玩及開心，大家可以在家裡過一個盡興的聖誕節。說到變裝，想不到Miki原來頗有心得及心思，會四出找尋適合變裝的服飾，及親手製作道具。「會上網做功課，看看那裡要留意。有年我更自製了一雙禮物鞋，來配合當時的聖誕樹造型。」去年他們的主題是卡通人物，有朋友想扮《龍珠》中的悟空，但不知從何入手，Miki二話不道便替那位朋友弄了個道具跟斗雲，「我很enjoy做這些勞作。那次雖然弄了一整晚，但出來效果很好，朋友個個大讚，覺得好滿足。」現在的Miki已經由以往的青春少女，逐漸蛻變成散發着淡淡女性魅存的輕熟女。「我覺得咀唇是一個能充份突顯女性魅力的地方，現時的化妝會以唇妝為重點，亦想嘗試不同感覺的唇妝，如今季大熱的酒紅色調。」看來大家將會看見更不一樣的Miki。

20131206_楊愛瑾穿高跟鞋的女孩

※Miki現有的高跟鞋多屬Basic款式，她表示之後會開始選購型格的高跟鞋。

前Cookies成員楊愛瑾（Miki），入行前是平底鞋的Fans，不過第一次穿上高跟鞋已發現它能令身形線條變得修長，從此一發不可收拾，瘋狂時可一次掃6、7對，高峰期更擁有逾百對。但高跟鞋得個靚字，舒服度認真麻麻，但因貪靚的緣故，她才堅持繼續買，尤其對來自法國的Christian Louboutin品牌情有獨鍾，日日著都願。

　　撰文：李佩儀 攝影：李維隆 場地提供：VELVET

※金色鍋釘高跟鞋 Steve Madden 約$2,000

　　「Cookies變成四人組合時，有次唱《派對動物》呢首歌，公司叫我地著高跟鞋跳，我嗌晒救命，仲跳到一仆一碌。初時真係覺得好辛苦，但之後發覺著高跟鞋真係令身形線條變靚，所以依家買高跟鞋，起碼3吋以上，最高試過6吋?。」

　　「雖然我鍾意高跟鞋，但都好精打細算，通常係Private Sale先會買。早排見到對Valentino成萬蚊，覺得好貴都唔捨買，但Christian Louboutin就唔同，正價都會買，因為任何款著上腳都好靚。當然唔算好舒服，記得有次著住對豹紋高跟鞋去影相，係中環行斜路，著到腳趾抽筋，即時要上車按摩先無事。」這就是愛靚不愛命的後果。

※Miki是Christian Louboutin的Fans，近年更購入了十多對。

※黑色粗跟涼鞋 Alexander Wang 約$6,000

20131204_楊愛瑾自爆做運動習慣： 乜都唔帶，鎖匙擺喺屋企門口﹗

     (攝影: 黃文偉)(蘋果日報)

楊愛瑾（Miki）今日喺屯門出席一個時裝開幕活動，Miki透露剛剛考獲車牌，雖然佢考牌後仍未試過揸車，不過佢自稱係一個安全司機：「我有問過阿哥借車，但係佢怕我會整花架車，所以唔肯借俾我，不過我本身係一個好小心既人，盡量會減少交通意外嘅發生。」

另外，Miki又透露閒時有做運動，而且仲有個習慣：「我做運動嗰陣乜嘢都唔會帶，連鎖匙都會擺喺屋企門口，好少人知道我住喺邊，而且次次都會擺喺唔同既地方，所以唔擔心會有人發覺。」你依家咁公開講，怕唔怕o架?

Miki自爆去做運動唔會帶鎖匙	只會放喺屋企門口	咁公開講怕唔怕o架?